გიორგი მამალაძის ადვოკატი, მიხეილ რამიშვილი დეკანოზის პატივისა და ღირსების შელახვისთვის, ასევე ცილისწამებისთვის საპატრიარქოს წინააღმდეგ სასამართლოს მიმართავს - ამის შესახებ მიხეილ რამიშვილმა მატროსოვის ციხის დატოვების შემდეგ განაცხადა.
საქმე ეხება საპატრიარქოს იურისტის, ედიშერ ქარჩხავას განცხადებას, რომ დეკანოზი დაახლოებით 50 მილიონი ლარის გათეთრებას გეგმავდა.
„ედიშერ ქარჩავას მიერ გავრცელებული ინფორმაცია, თითქოს ეს საბუთები ინახებოდა საპატრიარქოში, რომელიღაც სასულიერო პირთან, არის სიცრუე. ეს არის მიზანმიმართული იმისკენ, რომ მამა გიორგის ცილი დასწამონ და ინფორმაციაც ამ მეთოდით ამიტომ გაავრცელეს", - განაცხადა რამიშვილმა.
