დღეს ცენტრალურმა საარჩევნო კომისიამ სარეფერენდუმოდ წარდგენილი საკითხის - „თანახმა ხართ თუ არა, რომ საქართველოს სასოფლო-სამეურნეო მიწის გასხვისება აიკრძალოს უცხო ქვეყნის მოქალაქეზე“ - რეგისტრაციაზე უარი თქვა.
საინიციატივო ჯგუფმა სარეფერენდუმოდ წარდგენილი საკითხის რეგისტრაციაში გატარების შესახებ განცხადება მიმდინარე წლის 25 აპრილს შეიტანა.
საინიციატივო ჯგუფის შემადგენლობაში არიან: კახაბერ ძაგანია, იოსებ შატბერაშვილი, პაატა ჯიბლაძე, არჩილ ბენიძე, კონსტანტინე გუგუშვილი, დავით ვერძეული.