1.jpg)
ზუგდიდის საკრებულომ მუნიციპალიტეტების შეერთების საკითხს მხარი დაუჭირა. ქალაქ ზუგდიდისა და ზუგდიდის მუნიციპალიტეტის რაიონის შეერთებას შესახებ გადაწყვეტილებას მხარი 12-მა დეპუტატმა დაუჭირა, წინააღმდეგ კი 3-მა დეპუტატმა მისცა ხმა.
სხდომა მწვავე კამათისა და დაპირისპირების ფონზე წარიმართა. კენჭისყრამდე სხდომა შეწყდა, რისი მიზეზიც საკრებულოს თავმჯდომარის, ნატალია შეროზიას მიერ სხდომის დატოვება გახდა. ამას წინ უძღოდა მისი და საკრებულოს წევრების სიტყვიერი დაპირისპირება და ორსაათიანი ხმაურიანი გამოსვლები.
„საზოგადოებრივი მაუწყებლის“ ინფორმაციით, მოგვიანებით სხდომა რამდენიმე წუთით განახლდა, საკრებულოს თავმჯდომარემ საკითხი კენჭისყრაზე განხილვის გარეშე დააყენა. კენჭისყრის შემდეგ ნატალია შეროზიამ სხდომა დასრულებულად გამოაცხადა.
