მანჩესტერ არენაზე მომხდარ აფეთქებას 22 ადამიანი ემსხვერპლა. დაღუპულთა შორის არიან ბავშვები. დაშავებულია 59 ადამიანი. ამის შესახებ ინფორმაციას BBC ავრცელებს.
აფეთქება ამერიკელი პოპვარსკვლავის, არიანა გრანდეს კონცერტის დასრულების შემდგომ მოხდა. პირველად ინფორმაციაზე დაყრდნობით, მომხდარი ფასდება, როგორც ტერორისტული აქტი.
მანჩესტერის პოლიციის განცხადებით, ასაფეთქებელი მოწყობილობა აამოქმედა მამაკაცმა, რომელიც ტერიტორიაზე მარტო გადაადგილდებოდა.
საგამოძიებო უწყებების ინფორმაციით, გამოძიება დაჩქარებული ტემპით მიმდინარეობს იმის დასადგენად, მონაწილეობდნენ თუ არა აფეთქებაში სხვა პირები.
