ჯიჰადის მონიტორინგის ვებგვერდმა გაავრცელა მიმართვა, რომელშიც დაჯგუფება ისლამური სახელმწიფო მანჩესტერ არენაზე მომხდარ ტერაქტზე პასუხისმგებლობას იღებს. ინფორმაციას Financial Times ავრცელებს.
მიმართვაში ნათქვამია, რომ მსხვერპლის რაოდენობა იმაზე ბევრად მეტია, ვიდრე ამას ბრიტანელთა უსაფრთხოების სამსახური აცხადებს. ამავე მიმართვაში აღნიშნულია, რომ ტერორისტული აქტის მოსაწყობად ერთზე მეტი ბომბი გამოიყენეს.
ეს ინფორმაცია, ჯერჯერობით, ოფიციალურად არ დასტურდება.