იერუსალიმში, ისრაელის მუზეუმში სიტყვით გამოსვლისას აშშ-ის პრეზიდენტმა, დონალდ ტრამპმა განაცხადა, რომ სურს, ისრაელსა და პალესტინას დაეხმაროს მშვიდობის მიღწევაში.
ამერიკის შეერთებული შტატების ლიდერის თქმით, მას სწამს, რომ ორივე ქვეყნის ლიდერს სისხლისღვრის შეწყვეტა სურს.
დონალდ ტრამპმა აღნიშნა, რომ წინა დღით იგი ესაუბრა პალესტინის პრეზიდენტ მაჰმუდ აბასს და შეუძლია თქვას, რომ პალესტინელებს სურთ მშვიდობა.
აშშ-ის პრეზიდენტმა ისრაელის ლიდერზეც ისაუბრა. მისი თქმით, ბენიამინ ნათანიაჰუს უყვარს თავისი ხალხი და სწამს, რომ ყველაფერს იღონებს ისრაელი-პალესტინის კონფლიქტის აღმოსაფხვრელად.