„მთავრობის მეთაურის და ასევე ჩემი პოზიციაა, რომ სასოფლო-სამეურნეო მიწები უცხოელებზე არ უნდა გასხვისდეს“, - განაცხადა ვიცე-პრემიერმა და ენერგეტიკის მინისტრმა, კახა კალაძემ უცხო ქვეყნის მოქალაქეებზე მიწის გასხვისების შესახებ შეკითხვის საპასუხოდ.
„მე მოგახსენებთ მთავრობის მეთაურისა და ასევე ჩემს პოზიციას სასოფლო სამეურნეო მიწებთან დაკავშირებით. ჩვენი პოზიციაა, რომ სასოფლო-სამეურნეო მიწები უცხოელებზე არ უნდა გასხვისდეს. ეს არის როგორც პრემიერ-მინისტრის, ასევე ჩემი და მთავრობის წევრების პოზიცია. შესაბამისად, პარლამენტში ამაზე მსჯელობენ და გადაწყვეტილებას ამასთან დაკავშირებით, დარწმუნებული ვარ, მიიღებენ",- განაცხადა კახა კალაძემ.
