Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

მუსტაფა ემრე ჩაბუქის მეუღლე პრეზიდენტს, პრემიერს და სახალხო დამცველს მიმართავს

24 მაისი, 2017 21:56

დემირელის კერძო კოლეჯის ხარისხის მართვის მენეჯერის მუსტაფა ემრე ჩაბუქის მეუღლე პრეზიდენტს, პრემიერს და სახალხო დამცველს მიმართავს და სთხოვს არ გადასცეს ქართულმა მხარემ მუსტაფა ემრე ჩაბუქი თურქეთს. 

"მიზეზი სავარაუდოდ თურქეთის ხელისუფლებაა. გუშინ თურქეთის დელეგაცია იყო ჩამოსული და სწორედ ამ ვიზიტის შემდეგ დააკავეს ჩემი მეუღლე. ადვოკატებმა მითხრეს რომ ქართული მხარე მუსტაფას არაფერს ედავება. მივმართავ საქართველოს პრეზიდენტს, პრემიერს, სახალხო დამცველს და დიპლომატიურ კორპუსს არ გადასცენ უდანაშაულო მუსტაფა ჩაბუქი თურქეთს" - განაცხადა დღეს მუსტაფა ჩაფუქის მეუღლემ თუფა ჩაბუფკმა. 

დღეს თბილისში თურქეთის მხარის მოთხოვნით, დემირელის კერძო კოლეჯის ხარისხის მართვის მენეჯერი მუსტაფა ემრე ჩაბუქი დააკავეს. ამის შესახებ „ლიბერალს“ დაკავებულის ინტერესების დამცველმა სოსო ბარათაშვილმა განუცხადა. მუსტაფა ემრე ჩაბუქი საქართველოში 2002 წლიდან ეწევა საგანმანათლებლო საქმიანობას. 2002-2007 წლებში ბათუმის შაჰინის სკოლა-ლიცეუმის მასწავლებელი იყო. 2012-2016 წლებში „ჩაღლარის“ სასწავლო დაწესებულებების სამეთვალყურეო საბჭოს თავმჯდომარის მოადგილედ მუშაობდა.

სოსო ბარათაშვილის თქმით, თურქეთის მხარე დაკავებულის ექსტრადირებას მოითხოვს და მას ბრალად ედება ფეტულა გიულენის ორგანიზაციასთან თანაშრომლობა, რომელიც თურქეთში ტერორისტულ ორგანიზაციად მიიჩნევა.  სოსო ბარათაშვილის შეფასებით, ბრალდების დასაბუთება კრიტიკას ვერ უძლებს. მისივე თქმით,  აღნიშნული საქმე ეხება არა მხოლოდ კონკრეტული ადამიანის ექსტრადირების საკითხს, არამედ საქართველოს ხელისუფლების საერთაშორისო რეპუტაციასაც.

თბილისში თურქეთის მოთხოვნით დემირელის კოლეჯის თანამშრომელი მუსტაფა ემრე ჩაბუქი დააკავეს

კომენტარები

ამავე რუბრიკაში

18 თებერვალი
18 თებერვალი

სააგენტო: ყოფილი მიხაილოვის საავადმყოფოშ ...

საგანგებო სიტუაციების მართვის სააგენტოში "ლიბერალს" განუცხადეს, რომ პირველადი ინფორმაციით ცეცხლი მიხაილოვ ...
18 თებერვალი
18 თებერვალი

ირანში სამგზავრო თვითმფრინავი ჩამოვარდა

ირანში სამგზავრო თვითმფრინავი ჩამოვარდა. ინფორმაციას ირანულ მედიაზე დაყრდნობით CNN  ავრცელებს. თვითფრინავი, რომელშ ...
18 თებერვალი
18 თებერვალი

გურჯაანში სამშენებლო სამუშაოების შესრულე ...

გურჯაანის რაიონში სპირტის ქარხანაში სამშენებლო სამუშაოების შესრულების დროს 26 წლის მუშა გადმოვარდა და ადგილზე გარდაიცვალ ...
^