BBC-ს ცნობით, ბრიტანეთის მთავრობა აღშფოთებულია მანჩესტერის ტერაქტთან დაკავშირებული კონფიდენციალური ინფორმაციის ამერიკულ მედიაში გაჟონვით და ამის გამო აშშ-ის უსაფრთხოების სამსახურთან თანამშრომლობას ოფიციალურად წყვეტს.
Skynews-ის ცნობით, სკოტლენდ იარდი განრისხებულია მანჩესტერ არენაზე მომხდარი თავდასხმის საიდუმლო მონაცემების აშშ-ის მედიაში გამოჩენით, მათ სწამთ, რომ ინფორმაცია ჟურნალისტებს ამერიკელმა კოლეგებმა გაუმხილეს.
The guardian იტყობინება, რომ ბრიტანეთის პრემიერ-მინისტრი ტერეზა მეი ამ საკითხის განხილვას ნატოს სამიტზე პრეზიდენტ ტრამპთანაც გეგმავს.
მომხდარის გამო უკმაყოფილება გამოთქვა ბრიტანეთის შინაგან საქმეთა მინისტრმა ემბერ რადმა.The New YorkTimes-თან კომენტარში შინაგან საქმეთა მინისტრი აცხადებს, რომ გამოძიების მსვლელობასთან ერთად სკოტლენდ იარდი მოპოვებულ მონაცემებს ამერიკულ მხარეს აღარ გაუზიარებს.
