ლონდონში გრენფილის თაუერში, სადაც გუშინ ცეცხლი გაჩნდა, 12 ადამიანი იპოვეს დაღუპული, თუმცა სამძებრო სამუშაოები კვლავ გრძელდება. დაკარგულად მიიჩნევა ათობით ადამიანი. პოლიციის განცხადებით, დაღუპულთა რაოდენობა სავარაუდოდ გაიზრდება. 70-ზე მეტი ადამიანი ლონდონის სავაადმყოფოშია გადაყვანილი, ხოლო 18 კრიტიკულ მდგომარეობაშია. 

1970 წელს აშენებულ 24-სართულიან საცხოვრებელში, სადაც გვიან ღამით გაჩნდა ცეცხლი და სწრაფად მოედო მთელ კორპუსს, იმ დროისთვის 500-მდე ადამიანი იმყოფებოდა.

მომხდარზე გამოძიება დაწყებულია. პრემიერ-მინისტრმა, ტერეზა მეიმ განცხადება გააკეთა და პირობა დადო, რომ მომხდარს სათანადოდ გამოიძიებენ.