ბრიუსელის ცენტრალური რკინიგზის სადგურში ბელგიელმა ჯარისკაცებმა ტერორიზმში ეჭვმიტანილი მამაკაცი მოკლეს.
BBC-ის ინფორმაციით, მამაკაცმა პატარა ასაფეთქებელი მოწყობილობა აამოქმედა, რის შემდეგაც მას ესროლეს.
ამ დროისთვის არსებული ინფორმაციით, ინციდენტის შედეგად მოსახლეობა არ დაშავებულა. საქმეზე საგამოძიებო მოქმედებები ტერორისტული აქტის მუხლით მიმდინარეობს.
2016 წლის მარტში ბრიუსელში მომხდარი თავდასხმის შედეგად 32 ადამიანი დაიღუპა. ტერაქტზე პასუხისმგებლობა „ისლამურმა სახელმწიფომ" აიღო.
ადგილობრივი მედიის ცნობით, პროკურატურა აცხადებს, რომ მამაკაცს ზურგჩანთა და შაჰიდის ქამარი ეკეთა.