საქართველოს პარლამენტმა რიგგარეშე სესიის ფორმატში საქართველოს კონსტიტუციაში ცვლილებების პროექტს 115 ხმით არცერთის წინააღმდეგ მხარი პირველი მოსმენით ერთხმად დაუჭირა.
ასევე, ერთხმად, 115 ხმით არცერთის წინააღმდეგ მიიღეს პირველი მოსმენით საქართველოს კონსტიტუციური კანონის პროექტი „აჭარის ავტონომიური რესპუბლიკის შესახებ“.
კენჭისყრაში მონაწილეობა არ მიუღიათ ოპოზიციური პარტიების წარმომადგენელ დეპუტატებს, რომელთაც პროცესს ბოიკოტი გამოუცხადეს.
„მადლობას გიხდით ერთსულოვნებისთვის და ნამდვილად ისტორიული დოკუმენტის მხარდაჭერისთვის“, - განაცხადა საქართველოს პარლამენტის თავმჯდომარე ირაკლი კობახიძემ კენჭისყრის პროცედურის დასრულების შემდეგ.
კონსტიტუციურ კანონის პროექტებზე მეორე მოსმენით მსჯელობას პარლამენტი ხვალ, 12:00 საათზე, რიგგარეშე სხდომაზე გააგრძელებს.