ე.წ. კანიბალიზმის საქმეში მსჯავრდებულ ბექა შენგელიას სასამართლომ უვადო პატიმრობა მიუსაჯეს, დედის მკვლელობისთვის მსჯავრდებულ ირმა ყოჩიაშვილს კი - 20 წლით თავისუფლების აღკვეთა. ეს ინფორმაცია ჟურნალისტებს ადვოკატმა ლალი ბიწოშვილმა მიაწოდა.
ადვოკატისთვის მოულოდნელი იყო სასამართლოს გადაწყვეტილება, რადგან ბრალდების იმ ნაწილში, რომელიც უვადო პატიმრობსა ითვალისწინებდა, შენგელია გამართლდა. მისი თქმით, ის განაჩენს აუცილებლად გაასაჩივრებს, მათ შორის სტრასბურგის სასამართლოში.
"განაჩენის შესახებ ყველაზე საოცრება ის არის, რომ მესამე ნაწილში, რომელიც უვადო პატიმრობას ითვალისწინებდა, გამართლდა ბექა შენგელია. დარჩა მეორე ნაწილი და მაინც მიესაჯა უვადო პატიმრობა,“- განაცხადა ადვოკატმა.
ირმა ყოჩიაშვილი, ბექა შეგელია და კიდევ 3 პირი პოლიციამ 2016 წლის 4 ნოემბერს დააკავა. სამ მათგანს ბრალად ედებოდათ 70 წლის ქალის განზრახ მკვლელობა დამამძიმებელ გარემოებაში და ჯგუფურად, 2 პირს კი, დანაშაულის შეუტყობინებლობა.
