საზოგადოებრივი მაუწყებლის სამეურვეო საბჭოს წევრობის – მეურვეობის კანდიდატის შესარჩევმა საპარლამენტო საკონკურსო კომისიამ მეურვეობის 3 კანდიდატი შეარჩია. შერჩეული სამი კანდიდატიდან პარლამენტმა ერთი უნდა შეარჩიოს. წარდგენილი კანდიდატები არიან: აკაკი გიგინეიშვილი, გიორგი იაკობაშვილი  და ლელა ფირალიშვილი. 

კანდიდატების შეფასებები და სხდომის ოქმი:

საზოგადოებრივი მაუწყებლის სამეურვეო საბჭოს წევრის ვაკანტურ თანამდებობაზე ღია კონკურსის გამოცხადების შესახებ ბრძანება საქართველოს პარლამენტის თავმჯდომარემ, ირაკლი კობახიძემ 29 მაისს გამოსცა. კონკურსში სულ ცხრა განაცხადი შევიდა. 

საკონკურსო კომისიას მოსწავლე-ახალგაზრდობის ეროვნული სასახლის დირექტორი თინათინ რუხაძე ხელმძღვანელობს. 

კომისიის შემადგენლობაში არიან: სოსო გალუმაშვილი (PR სააგენტო - „ჯეპრას“ დამფუძნებელი და ხელმძღვანელი, ქართულ-ამერიკული უნივერსიტეტის PR-სკოლის დამფუძნებელი და ლექტორი); თინათინ თვალაძე (ბლოგერი); ზურაბ მხეიძე (ფსიქოლოგი); არნოლდ სტეპანიანი (არასამთავრობო ორგანიზაცია „მრავალეროვანი საქართველოს“ თავმჯდომარე); ოთარ ტატიშვილი (ექიმი და ტელეწამყვანი); ბასა ფოცხიშვილი (რეჟისორი, სტუდია „123-ის“ დამფუძნებელი); მარინე ჩიტაშვილი (თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის პროფესორი).