დავით როსტომაშვილის დაყაჩაღებაში ბრალდებული პირი ბადრაგირების დროს გაიქცა და მიიმალა - ამის შესახებ ინფორმაციას შსს ავრცლეებს, რომლის თქმითაც, მას ბრალი დაუსწრებლად წარედგინა და იგი საქართველოს სსკ-ს 179-ე მუხლის მე-2 ნაწილით იძებნება.
„აღნიშნულ ფაქტთან დაკავშირებით თბილისის პროკურატურაში გამოძიება სამსახურებრივი გულგრილობის ფაქტზე დაიწყო. პოლიციის ზემოხსენებულ სამივე თანამშრომელს ბრალი წარედგინა საქართველოს სსკ-ს 342-ე მუხლის 1-ლი ნაწილით. 2017 წლის 23 ივნისს თბილისის საქალაქო სასამართლომ აღნიშნულ პირებს აღმკვეთი ღონისძიების სახით შეუფარდა გირაო. სასამართლომ მათ ასევე შეუჩერა უფლებამოსილება.
ამავე ყაჩაღობის ფაქტზე, ბრალდებულის სახით, პოლიციამ 1991 წელს დაბადებული ზურაბ ქ. დააკავა, რომელიც დაზარალებულმა დავით როსტომაშვილმა და მისმა ქალიშვილმა, ქეთევან როსტომაშვილმა ამოიცნეს, როგორც ზემოხსენებული დანაშაულის ჩამდენი პირი" - ნათქვამია შსს-ს განცხადებაში.
დავით როსტომაშვილის დაყაჩაღების ფაქტზე შსს-მ გამოძიება 14 ივნისს დაიწყო.