საქართველოს პარლამენტმა საქართველოს კონსტიტუციაში ცვლილებების პროექტი 115 ხმით, ხოლო „აჭარის ავტონომიური რესპუბლიკის შესახებ“ საქართველოს კონსტიტუციური კანონის პროექტს 114 ხმით მეორე მოსმენით დღევანდელ რიგგარეშე სხდომაზე მხარი დაუჭირა.
პარლამენტის თავმჯდომარე ირაკლი კობახიძის თქმით, საქართველოს ახალი კონსტიტუცია საუკეთესო ევროპულ პრაქტიკაზე და სტანდარტებზეა აგებული.
„დღეს ჩვენ გავდივარ ისტორიული პროცესის მეორე ეტაპს, რომელსაც ევროპული სტანდარტების, ევროპული ტიპის კონსტიტუციის შემუშავება, მიღება და დამტკიცება ჰქვია. უკვე არაერთხელ აღვნიშნეთ, რომ არამარტო კონსტიტუციაა აგებული საუკეთესო ევროპულ პრაქტიკაზე, არამედ, თითოეული ჩანაწერი და ნორმა ამ კონსტიტუციაში არის საუკეთესო ევროპული სტანდარტების. ეს არის ჩვენი გამარჯვება, „ქართული ოცნების“ გამარჯვება, ჩვენი გუნდის გამარჯვება“, - განაცხადა ირაკლი კობახიძემ.
