საქართველოს ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა, აზერბაიჯანში ოფიციალური ვიზიტის ფარგლებში, აზერბაიჯანის პრეზიდენტს ილჰამ ალიევს შეხვდა. როგორც ბაქოდან დაბრუნების შემდეგ ალექსანდრე ჯეჯელავამ განაცხადა, შეხვედრისას აზერბაიჯანელი ჟურნალისტის, აფგან მუხთარლის საქმეზე არ უსაუბრიათ.
„ჩვენი შეხვედრა განათლების თემას შეეხებოდა, აზერბაიჯანის პრეზიდენტთან შეხვედრისას სხვა საკითხები ფორმატით არ იყო გათვალისწინებული. მუხთარლის თემას არ შეხებია საუბარი“,- განუცხადა „რუსთავი 2-ს“ ალექსანდრე ჯეჯელავამ.
ჯეჯელავამ აზერბაიჯანელი ჟურნალისტის, აფგან მუხთარლის საქმესთან დაკავშირებით, რამდენიმე განცხადება გააკეთა. 31 მაისს, მან არასამთავრობო ორგანიზაციებს მოუწოდა გადაემოწმებინათ, იყო თუ არა აფგან მუხთარლი ჟურნალისტი.
ალექსანდრე ჯეჯელავა დარწმუნდა, რომ აფგან მუხთარლი ჟურნალისტია
ალექსანდრე ჯეჯელავა აფგან მუხთარლის საქმეზე - როგორც ჩანს, უკანონოდ გადაკვეთა საზღვარი
აფგან მუხთარლის აზერბაიჯანის სასამართლომ სამთვიანი წინასწარპი პატიმრობა შეუფარდა.
აზერბაიჯანის პროკურატურამ ჟურნალისტ აფგან მუხთარლის ბრალი სამართალდამცავებისათვის წინააღმდეგობის გაწევის, საზღვრის უკანონო კვეთისა და კონტრაბანდის ბრალდებით წაუყენა.
აფგან მუხთარლი, რომელიც საქართველოში გაუჩინარდა, ამჟამად ბაქოშია დაკავებული. მისი თქმით, თბილისიდან მის გატაცებაში ქართული სპეცსამსახურებიც მონაწილეობდნენ.
როგორც ადვოკატები ამბობენ, ჟურნალისტი ნაცემია და მას, სავარაუდოდ, ნეკნი აქვს გატეხილი.
საქართველოს შსს გამოძიებას თავისუფლების უკანონოდ აღკვეთის მუხლით აწარმოებს.