ლტოლვილის სტატუსის მინიჭებასთან დაკავშირებით დემირელის კოლეჯის დაკავებულ მენეჯერს, მუსტაფა ემრე ჩაბუქს დევნილთა სამინისტროს წარმომადგენლები 29 ივნისს შეხვდებიან –ინფორმაციას ავრცელებენ დაკავებულის ადვოკატები, რომლებიც შეხვედრას დაესწრებიან. დაკავებულთან გასაუბრების შემდეგ მიიღებენ სამინისტროში გადაწყვეტილებას, მიენიჭება თუ არა ლტოლვილის სტატუსი მუსტაფა ემრე ჩაბუქს.
დემირელის კოლეჯის დაკავებული მენეჯერის მოთხოვნის დაკმაყოფილებისა და ლტოლვილის სტატუსის მინიჭების შემდეგ მისი ექსტრადირების პროცესი შეწყდება. მუსტაფა ემრე ჩაბუქი ერთი თვეა, წინასაექსტრადიციო პატიმრობაში იმყოფება. ქართველმა სამართალდამცველბამ ის თურქული მხარის მოთხოვნით დააკავეს. თურქული მხარე მას ტერორიზმთან კავშირში ადანაშაულებს. მუსტაფა ემრე ჩაბუქი ბრალს არ აღიარებს.
