გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი განცხადებას ავრცელებს, სადაც ნათქვამია, რომ შავი ზღვის სანაპიროზე დელფინების გამოირიყა. სააგენტო მოუწოდებს ადგილობრივ მოსახლეობას გამოიჩინონ სიფრთხილე და არ შეეხონ გამორიყულ ძუძუმწოვრებს.
სააგენტოს ინფორმაციით, შესაძლოა, დელფინების გამორიყვა განპირობებული იყოს დელფინთა მორბილვირუსული ინფექციით.
„გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტის სპეციალისტები მოუწოდებენ ადგილობრივ მოსახლეობას, გამოიჩინონ სიფრთხილე და არ შეეხონ ნაპირზე გამორიყულ ზღვის ძუძუმწოვრებს. 2017 წელს განმუხური-სარფის მონაკვეთზე ზღვის ძუძუმწოვრების ნაპირზე გამორიყვის 57 ფაქტი დაფიქსირდა.
მსგავსი ფაქტების დაფიქსირების შემთხვევაში მოსახლეობას ვთხოვთ, დაგვიკავშირდნენ გარემოსა და ბუნებრივი რესურსების დაცვის სამინისტროს ცხელ ხაზზე: 153“,- ნათქვმია გავრცელებულ განცხადებაში.
