Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: LIBERALIMAGAZINE@GMAIL.COM Facebook: https://www.facebook.com/liberalimagazine
გაგზავნა
გაგზავნა

სოფელ ურაველში „ნაციონალების“ წარმომადგენელი ცემაში „ქართული ოცნების“ წევრებს ადანაშაულებს

17 ივლისი, 2017 14:41

ახალციხეში, სოფელ ურავლის ტყეში სოფლის ყოფილი გამგებელი და  „ნაციონალური მოძრაობის“ წარმომადგენელი, ბეგლარ კაპანაძე სცემეს. აღნიშნულ ინფორმაციას „სამხრეთის კარიბჭე“ ავრცელებს. ფიზიკური შეურაცხყოფა მის 80 წლის მამასა და 23 წლის შვილსაც მიაყენეს. კაპანაძეების ცემის ფაქტი „ლიბერალს“ შინაგან საქმეთა სამინისტრომაც დაუდასტურა.

ამჟამად კაპანაძეების ოჯახში იმყოფება „ნაციონალური მოძრაობის“ წევრი, გიორგი ბოტკოველი, რომელიც „ლიბერალთან“ მომხდარის დეტალებზე საუბრობს.

მისი ინფორმაციით, ბეგლარ კაპანაძე დღემდე „ნაციონალური მოძრაობის“ წარმომადგენელია და არჩევნებზე აქტიურად ეხმარება მათ. ბოტკოველი ამბობს, რომ სოფელ ურაველში 2016 წლის არჩევნებზე „ქართული ოცნება“ დამარცხდა და სწორედ მაშინ დაემუქრნენ კაპანაძეს, რომ არ გაახარებდნენ. 

გიორგი ბოტკოველის ინფორმაციით, შემთხვევა გუშინ საღამოს მოხდა, როცა ტყეში შეშისთვის წასული ბეგლარ კაპანაძე შვილთან და მამასთან ერთად უკან ბრუნდებოდა.

„საკრებულოსა და მერიის წარმომადგენლები ქეიფობდნენ თურმე იქვე ტყეში. გუბერნატორიც იქ ყოფილა, მაგრამ ცოტა ადრე წასულა. მათ ტყიდან მომავალ კაპანაძეებს გზა გადაუღობეს და სასტიკად გაუსწორდნენ“.

რაც შეეხება დაზარალებულთა ამჟამინდელ მდგოამრეობას, „ნაციონალური მოძრაობის“ წევრის ინფორმაციით, ბეგლარ კაპანაძე სასტიკადაა ნაცემი, თუმცა ის ამჟამად სახლში იმყოფება. საავადმყოფოდან გამოწერეს მისი 80 წლის მამაც, რომელსაც თავი აქვს გატეხილი. ხოლო კაპანაძის 23 წლის შვილი კვლავ საავადმყოფოში რჩება. 

გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს. თუმცა უწყებაში აცხადებენ, რომ ჯერ უცნობია, ვინ მონაწილებდა მათ ცემაში და ამას გამოძიება დაადგენს. 

ფოტო: „სამხრეთის კარიბჭე“

კომენტარები

ამავე რუბრიკაში

16 აგვისტო
16 აგვისტო

GEM Fest-ზე დასაქმებულები ანაზღაურების ...

Gem Fest-ზე დასაქმებული პირები კუთვნილი თანხის ანაზღაურების მოთხოვნით კვირის ბოლომდე სასამართლოში სარჩელს შეიტანენ,  ...
16 აგვისტო
16 აგვისტო

ფონიჭალაში ნარკორეალიზაციის ბრალდებით 1 ...

ფონიჭალაში კიდევ ერთი სპეცოპერაცია ჩატარდა; შსს-ს ინფორმაციით, ნარკორეალიზაციის ბრალდებით 1 პირი დააკავეს.&nbs ...
16 აგვისტო
16 აგვისტო

ბათუმში ძლიერი აფეთქების შედეგად 3 ადამი ...

ბათუმში, გენერალ აბაშიძის ქუჩაზე ძლიერი აფეთქების შედეგად რამდენიმე ადამიანი დაშავდა, ორი სახლი დაინგრა და ორსაც ცე ...
^