თბილისი რიგით მე-9 საერთაშორისო თეატრალურ ფესტივალთან დაკავშირებით მერიაში პრესკონფერენცია გაიმართა, სადაც თბილისის მერმა დავით ნარმანიამ, საქართველოს კულტურისა და ძეგლთა დაცვის მინისტრმა, მიხეილ გიორგაძემ და ფესტივალის დირექტორმა, ეკატერინე მაზმიშვილმა ისაუბრეს.
ფესტივალი 18 სექტემბერიდან 14 ოქტომბრის ჩათვლით გაიმართება. 18 სექტემბრიდან თბილისში გერმანიის, ირლანდიის, იტალიის, რუსეთის, პოლონეთის, რუმინეთის, დიდი ბრიტანეთის, ესპანეთის მსოფლიო შედევრებს და ახალ აღმოჩენებს წარმოადგენენ.
თბილისის საერთაშორისო თეატრალური ფესტივალი თბილისის მერიის კულტურის საქალაქო სამსახურის მხარდაჭერით იმართება.
