„შეხვედრამდე სამოთხეში“,- ასე დაემშვიდობა ჭყონდიდელი მიტროპოლიტი მეუფე პეტრე ე.წ. ციანიდის საქმის განხილვისას სასამართლოს.
„ღმერთმა ქნას, რომ ყველანი, ბრალმდებელი თუ ბრალდებულნი, ყოველმა ჩვენთგანმა ერთად ვიზეიმოთ ცათა სასუფეველში დამკვიდრება. ჩვენი ცხოვრება კი უნდა იყოს მართალი და პატიოსანი", - თქვა მეუფე ჭყონდიდის მიტროპოლიტმა პეტრემ.
მისი თქმით, უდანაშაულო არავინაა, თუმცა გიორგი მამალაძე არის უსამართლო პატიმარი.
„მამა გიორგიც მიმაჩნია, არის უსამართლო პატიმარი და სრულიად უცოდველი და უდანაშაულო არავინ არ ვართ, მათ შორის, არ არის მამა გიორგი. მე ვერ წარმომიდგენია სასულიერო პირი, რომლის გონებაში დაიბადა აზრი ვიღაცის ლიკვიდაციის. ეს არის ყოვლად შეუძლებელი, გამორიცხული, აბსურდი“,- თქვა მიტროპოლიტმა.