შინაგან საქმეთა მინისტრის მოადგილემ, შალვა ხუციშვილმა 14 წელზე უმცროსი ბავშვების მიმართ სამართლებრივი პასუხისმგებლობის საკითხზე ისაუბრა.

„არასრულწლოვანთა დანაშაულსა და, ზოგადად, ბავშვებში კრიმინალურ ქცევებთან დაკავშირებით ჩვენ კვლევას ვაკეთებთ. მოგეხსენებათ, არის სისხლის სამართლის პასუხისმგებლობის ასაკი. არსებობს ცალკეული შემთხვევები, როდესაც არასრულწლოვნები, რომლებმაც იციან, რომ სისხლის სამართლის პასუხისმგებლობა არ დაეკისრებათ, ჩადიან გარკვეულ დანაშაულს. მაგალითად, იმავე სკოლებში, ტელეფონის წართმევასა და დაჩაგვრაზეა საუბარი. სამწუხაროდ, ამ მიმართულებით არის პრობლემები, თუმცა ჩვენი კანონმდებლობა ძალიან ლიბერალურია და არც თუ ისე დიდი მოქნილობა გვაქვს პრევენციული ღონისძიებებისთვის", - აცხადებს მინისტრის განცხადებას IPN.GE ავრცელებს, - „ძირითადად, საუბარია მხოლოდ საინფორმაციო პრევენციულ ახსნა-განმარტებით სამუშაოზე, რომელსაც სამწუხაროდ ეფექტი არ აქვს. კარგი იქნება შემდგომში პარლამენტის ფარგლებში პარლამენტმა აიღოს ინიციატივა და ერთობლივად იმუშაოს იმ პრობლემაზე, რომ სისხლის სამართლის პასუხისმგებლობის ასაკის ქვემოთ არასრულწლოვნების მიმართ უფრო მეტი საკანონმდებლო ინიციატივა იყოს”.

საქართველოს კანონმდებლობით, 14 წლამდე ასაკის ბავშვებს სისხლის სამართლის პასუხისმგებლობა არ ეკისრებათ.