პოლიცია დაიცავს მართლწესრიგს და იმოქმედებს კანონის ფარგლებში, ანუ მაქსიმალურად დაიცავს მოქალაქეთა უსაფრთხოებას -  ასე უპასუხეს "ლიბერალს" შსს-ში კითხვაზე - "რადგან აღმაშენებელზე იმართება "ევროპული საქართველოს" აქცია, რომელის ჩაშლისთვის ემზადება ე.წ. "ქართული მარში", როგორი იქნება პოლიციის სამოქმედო გეგმა"?

ე.წ. "ქართველთა მარშის" ლიდერი სანდრო ბრეგაძე ამბობს, რომ მზად არიან დარბევისა და დაპატიმრებისთვის, რასაც, მისი თქმით, ხელისუფლება უმზადებთ.

”ჩვენ აუცილებლად გავმართავთ ამ აქციას და ხელისუფლება აუცილებლად მოაწყობს 7 ნოემბერს. აუცილებლად დაგვარბევენ, აუცილებლად დაგვაპატიმრებენ. ჩვენ მზად ვართ დაგვაპატიმრონ და დაგვარბიონ, რადგან ჩვენ ნაცჯალათებს არ გავატარებთ აღმაშენებლის გამზირზე”, - ამბობს ბრეგაძე. 

საზოგადოებრივის წესრიგის დაცვის მიზნით, ქალაქ თბილისის მერია მიიჩნევს, რომ ე.წ. „ქართველთა მარშის“ აქცია აღმაშენებლის გამზირის ნაცვლად სხვა ადგილას ან სხვა დროს უნდა ჩატარდეს.

როგორც თბილისის მერმა, დავით ნარმანიამ ჟურნალისტებს უთხრა,, "მეორე აქციის ორგანიზატირებს, რომლებმაც გვიან შემოიტანეს წერილი, ვაცნობეთ, რომ ამ დროს და ამ ადგილზე აქცია დანიშნული იყო".

დღეს, 20:00 საათზე აღმაშენებლის გამზირზე, პოლიტიკური პარტია "ევროპული საქართველო" მართავს აქციას სახელწოდებით - "არა რუსულ ფაშიზმს საქართველოში"