როგორც „ლიბერალის" კორესპონდენტი ამბობს, აღმაშენებელზე ე.წ. ქართველთა მარშის ლიდერთა და მონაწილეთა ნაწილი მაინც იმყოფება.
ადგილზე არიან, დიმიტრი ლორთქიფანიძე, ჯონდი ბაღათურია, ზაზა დავითაია...
ისინი ამბობენ, რომ ძალადობას არ ემხრობიან, მაგრამ აპირებენ ხელი შეუშალონ „ევროპული საქართველოს" აქციას.
მობილიზებულია პოლიცია. მათი კორდონი გზის სავალ ნაწილს იცავს, ე.წ. „მარშის“ მობაწილეები ტროტუარზე არიან თავმოყრილნი.
საპატრიარქო მოვუწოდებს ე.წ. ,,ქართული მარშის“ და „ევროპული საქართველო-მოძრაობა თავისუფლებისათვის“ ხელმძღვანელებს, თავი შეიკავონ დაგეგმილი აქციისაგან, - „რათა თავიდან ავიცილოთ გაუთვალისწინებელი შედეგები".
ე.წ. ქართველთა მარშის“ ერთ-ერთი ლიდერი, სანდრო ბრეგაძე „ლიბერალთან“ ამბობს: „მე, როგორც მართლმადიდებელი ქრისტიანი, ვემორჩილები საპატრიარქოს მოწოდებას, უკვე დავურეკე ჩემს მეგობრებს და ვუთხარი, რომ აღარ წავიდნენ აქციაზე".
დღეს, 20:00 საათზე აღმაშენებლის გამზირზე, პოლიტიკური პარტია „ევროპული საქართველო" მართავს აქციას სახელწოდებით - „არა რუსულ ფაშიზმს საქართველოში", ხოლო ერთი საათით ადრე ე.წ. "ქართული მარში" კონტრაქციას გეგმავდა.
