რამდენიმე წუთის წინ დასრულდა „ევროპული საქართველოს" ორგანიზებული აქცია - „არა რუსულ ფაშიზმს".
თავდაპირველად დაგეგმილი იყო ე.წ. ქართველთა მარშის კონტრაქცია, რომელსაც ხელი უნდა შეეშალა „ევროპული საქართველოს" დემონსტრაციისთვის, თუმცა კონტრაქცია აღარ შედგა. მისმა ორგანიზატორებმა მიზეზად პატრიარქის მოწოდება დაასახელეს. საპატრიარქომ დღეს, შუადღისას აქციების ორგანიზატორებს მოუწოდა, შავი შეეკავებინათ დემონსტრაციების გამართვისგან.
მიუხედავად ამ მოწოდებისა, კონტრაქციის ნაწილი აღმაშენებლის გამზირის ტროტუარებზე დარჩა. ისინი დემონსტრანტებს გინებით და ნივთების სროლით დახვდნენ.
დაპირისპირება სერიოზულ ექსცესებში არ გადაზრდილა.