წაღვერის მიმდებარე ტერიტორიაზე ტყეში ხანძარი გაჩნდა. როგორც „ლიბერალს“ შინაგან საქმეთა სამინისტროს საგანგებო სიტუაციების მართვის სააგენტოში განუცხადეს, ხანძრის გავრცელების არეალი, პირველადი მონაცემებით, 6000 კვ.მ-ია.
„დამატებითი მობილიზაცია გამოცხადდა ჩვენი სახანძრო-სამაშველო ჯგუფების, რათა სწრაფად მოხდეს ხანძრის ლიკვიდირება. გარდა ამისა სახანძრო პოლიციის ვერტმფრენიც გაფრინდა და რამდენიმე წუთში უკვე ადგილზე იქნება. ხანძრის გავრცელების საფრთხე დასახლებულ ტერიტორიაზე არ არის“, - განაცხადეს საგანგებო სიტუაციების მართვის სააგენტოში.