საპარლამენტო მდივანი არის პრეზიდენტის სრულუფლებიანი წარმომადგენელი საქართველოს პარლამენტში. შესაბამისად, საპარლამენტო მდივნისთვის საუბრის შეწყვეტა არაერთგზის, მისთვის ხელის შეშლა, რომ მან წარადგინოს მოტივირებული შენიშვნები, უკვე აღარ არის ზრდილობის საკითხი, არც ეთიკის საკითხი და არც იურიდიული საკითხი, - ამის შესახებ ჟურნალისტებს პრეზიდენტის საპარლამენტო მდივანმა, ანა დოლიძემ განუცხადა.
მისი თქმით, დღეს რიგგარეშე სესიაზე პარლამენტის თავმჯდომარემ არაერთხელ შეუშალა ხელი პრეზიდენტის საპარლამენტო მდივანს, იმ შენიშვნებზე ესაუბრა, რომელიც ვეტოს ეხებოდა.
დოლიძის შეფასებით, ეს არის კონსტიტუციით დაწესებული ხელისუფლებათა დანაწილებაზე იერიშის მიტანა.
„დღეს პარლამენტის თავმჯდომარემ არაერთხელ შეუშალა ხელი საქართველოს პრეზიდენტის საპარლამენტო მდივანს, ვინც არის პრეზიდენტის სრულუფლებიანი წარმომადგენელი პარლამენტში, განეხორციელებინა უფლება, წარედგინა ვეტო. არაერთხელ შეუშალა ხელი საუბრის გაწყვეტით, ასევე, მცდელობით, დაეწესებინა რისი თქმის უფლება აქვს საპარლამენტო მდივანს და რისი არა“, - განაცხადა ანა დოლიძემ.
კობახიძე დოლიძეს: პოლიტიკურ პოლემიკაში არ შემოხვიდეთ, თქვენ საჯარო მოსამსახურე ხართ