იურისტ დავით ჯანდიერის განცხადებით, მიხეილ სააკაშვილი აპატრიდი ანუ მოქალაქეობის არმქონე პირია და უფლება აქვს უკრაინის სასამართლოში ეს გადაწყვეტილება გაასაჩივროს. ამის შესახებ მან საზოგადოებრივ მაუწყებელს განუცხადა.
მისი თქმით, უკრაინას მსგავსი ქმედების უფლება ჰქონდა იმ შემთხვევაში, თუკი მოქალაქეობის მიღების დროს სააკაშვილს ექნებოდა წარდგენილი ყალბი დოკუმენტაცია, სხვა შემთხვევაში ის მოქალაქეობის გარეშე ვერ დარჩებოდა.
„უკრაინას მოქალაქეობის ჩამორთმევის უფლება არ აქვს, თუმცა იმ შემთხვევაში შეუძლია დატოვოს მოქალაქეობის გარეშე, თუკი შესაბამისი პირი მიიღებდა სხვა ქვეყნის მოქალაქეობას, თუკი დოკუმენტების წარდგენისას ან დამალა რაიმე ინფორმაცია, ან შეგნებულად ყალბი დოკუმენტაცია მიაწოდა. ასეთ დროს უკრაინის შესაბამისი ორგანო უფლებამოსილია, გააუქმოს მის მიერვე მიღებული გადაწყვეტილება. ასეთ დროსაც, როდესაც პირი მოქალაქეობის გარეშე რჩება უკრაინის შესაბამის სტრუქტურას შეუძლია, მიიღოს ეს გადაწყვეტილება. თუკი პირი ყალბ ინფორმაციას წარადგენს და რჩება მოქალაქეობის გარეშე, უკრაინის პრეზიდენტი უფლებამოსილია მიიღოს გადაწყვეტილება მოქალაქეობის გაუქმებაზე. საქართველოში პროცედურა ხელახლა უნდა დაიწყოს, რაც შეეხება გადაწყვეტილებას, რომ პირი რჩება მოქალაქეობის გარეშე თუკი ამ პირმა დაუმალა სიმართლე და ყალბი ინფორმაცია მიაწოდა. ანუ ირიბად არასწორი ინფორმაცია მისცა. ახლა მას უფლება აქვს როგორც აპატრიდმა, ანუ მოქალაქეობის არმქონეს მოითხოვოს თავშესაფარი უკრაინაში ასევე აქვს უფლება გადაწყვეტილება უკრაინის სასამართლოში გაასაჩივროს", - განაცხადა იურისტმა
