31 ივლისს აშშ-ის ვიცე-პრეზიდენტის მაიკ პენსის ვიზიტი, საქართველოს პრემიერ-მინისტრის, გიორგი კვირიკაშვილის განცხადებით, საქართველოს მიმართ აშშ-ის მხარდაჭერის კიდევ ერთი ძალიან მნიშვნელოვანი დადასტურებაა.
„მინდა შევეხო აშშ-ის ვიცე-პრეზიდენტის საქართველოში ვიზიტს, რომელიც 31 ივლისს და პირველ აგვისტოს შედგება. ეს ვიზიტი გახლავთ კიდევ ერთი მნიშვნელოვანი დადასტურება აშშ-ის მხარდაჭერისა საქართველოს მიმართ. ვფიქრობთ ის, რომ ჩვენ ძალიან მოკლე დროში დავამყარეთ ძალიან მჭიდრო ურთიერთობები ახალ ადმინისტრაციასთან, არის უმნიშვნელოვანესი ჩვენი სტრატეგიული პარტნიორობის განვითარების კუთხით“, - განაცხადა კვირიკაშვილმა.