მოქალაქეთა ის ნაწილი, ვინც რომელიმე კონკრეტულ პარტიას უჭერს მხარს, 23% ირჩევს „ქართულ ოცნებას“, 9% „ერთიან ნაციონალურ მოძრაობას“, 4-4% „ბაქრაძე, უგულავა - ევროპულ საქართველოსა“ და „საქართველოს პატრიოტთა ალიანსს“, 3% კი - „ლეიბორისტულ პარტიას“, - NDI კვლევის შედეგებს აქვეყნებს.
შეკითხვაზე, აქვს თუ არა გადაწყვეტილი, ვის მისცემს ხმას, მოსახლეობის 62% ამბობს, რომ არ აქვს გადაწყვეტილი. ახალგაზრდებს შორის ეს მაჩვენებელი 68%-ია. მათგან, ვინც სავარაუდოდ მიიღებს არჩევნებში მონაწილეობას, 27% ასახელებს „ქართულ ოცნებას“, 8 % - „ერთიან ნაციონალურ მოძრაობას“ და 3 % - „ბაქრაძე, უგულავა - ევროპულ საქართველოს“.
აღნიშნული გამოკითხვა 2017 წლის 18 ივნისი-9 ივლისის პერიოდში, საქართველოს მასშტაბით 2,261 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 2,2 პროცენტი.