სოფლის მეურნეობის მინისტრმა, ლევან დავითაშვილმა მთავრობის დღევანდელი სხდომის დასრულების შემდეგ განაცხადა, რომ სახელმწიფო კახეთის რეგიონში ხარისხიან ყურძენზე სუბსიდირებას არ აპირებს. მისი თქმით, ის შენარჩუნდება რაჭა-ლეჩხუმში სახვანჭკარე ჯიშებზე - „ალექსანდროულსა" და „მუჯურეთულზე“ - 1კგ-ზე 2 ლარის ოდენობით. მინისტრის თქმით, ღვინის კომპანიები, რომლებიც საბრენდე სპირტისა და კონცენტრირებული ყურძნის ტკბილის წარმოების მიზნით „რქაწითელსა“ და „კახური მწვანის“ ჯიშის 1 კგ ყურძენს არანაკლებ 70 თეთრად შეისყიდიან, სახლმწიფოსგან დამატებით 35 თეთრს მიიღებენ.
„კახეთის რეგიონში 2017 წლის რთველზე ხარისხიან, კონდიცირებულ ყურძენზე სუბსიდიის გაცემის საჭიროება არ არსებობს და, განკარგულების თანახმად, აღარ გაიცემა. მთავრობის გადაწყვეტილებით, ღვინის კომპანიები, რომლებიც საბრენდე სპირტისა და კონცენტრირებული ყურძნის ტკბილის წარმოების მიზნით „რქაწითელსა“ და „კახური მწვანის“ ჯიშის 1 კგ ყურძენს არანაკლებ 70 თეთრად შეისყიდიან, სახლმწიფოსგან დამატებით 35 თეთრს მიიღებენ. განსაკუთრებული მნიშვნელობიდან - დაცული ადგილწარმოშობა - გამომდინარე, 2017 წლის რთველის სეზონზე სუბსიდია შენარჩუნდება რაჭა-ლეჩხუმის რეგიონში სახვანჭკარე ჯიშებზე -„ ალექსანდროულსა“ და „მუჯურეთულზე“ - 1კგ-ზე გაიცემა 2 ლარი“, - განაცხადა დავითაშვილმა.