Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

საქართველოს ბანკმა თბილისის მერიის მიერ გამოცხადებულ აუქციონში გაიმარჯვა

01 აგვისტო, 2017 15:26

მომავალი 10 წლის განმავლობაში თბილისის მეტროში, ავტობუსებსა და საბაგიროებში მგზავრობის საფასურის ბარათებით გადახდას საქართველოს ბანკი უზრუნველყოფს.

საქართველოს ბანკმა, თბილისის მერიის მიერ, საზოგადოებრივ ტრანსპორტში მგზავრობის საფასურის გადახდის სისტემის მოდერნიზაციისთვის გამოცხადებულ აუქციონში გაიმარჯვა.

აღსანიშნავია, რომ ერთი წლის ვადაში, მომხმარებელს შესაძლებლობა ექნება მგზავრობის საფასური ყველა ტიპის ქართული საბანკო და VISA და Master Card უცხოური ბარათებით გადაიხადოს. ბანკი, ასევე, განახორციელებს ავტობუსების მართვისა და დისპეჩერიზაციის ახალი ტექნოლოგიით აღჭურვას. ამასთან, საქართველოს ბანკი ინარჩუნებს ექსკლუზიურ უფლებას თბილისის მეტროს სადგურებში განთავსებული ქონდეს ფილიალები, რომელთა რაოდენობა დღეს 23-ია. ფინანსური შეთავაზების მოცულობამ 22,2 მლნ ლარი შეადგინა.

„საქართველოს ბანკი ლიდერია გადახდების მომსახურების სფეროში და მომხმარებელს თავაზობს გადახდის ბევრ საშუალებას, როგორც ქვეყანაში ბანკომატების ყველაზე ფართო  ქსელით, ასევე თვითმომსახურების ტერმინალებით, ინტერნეტბანკით, მობილური ბანკითა და სატელეფონო ცენტრით. ხსენებულ აუქციონში გამარჯვება კიდევ ერთხელ ადასტურებს საქართველოს ბანკის უპირატესობას და შესაძლებლობას, მომხმარებელს მიაწოდოს ყველაზე ოპტიმალური, თანამედროვე, მარტივი გადახდის საშუალებები და უზრუნველყოფსბანკის წამყვანი პოზიციების შემდგომ გამყარებას სამომხმარებლო ბაზარზე, “განაცხადა საქართველოს ბანკის გენერალურმა დირექტორმა, კახა კიკნაველიძემ. „საქართველოს ბანკს აქვს თბილისის მერიასთან თანამშრომლობის მრავალწლიანი გამოცდილება.დარწმუნებული ვარ, ჩვენი შემდგომი თანამშრომლობაც ასეთივე ნაყოფიერი და მომხმარებლისთვის კიდევ უფრო მეტისარგებლის მომტანი იქნება. მინდა მადლობა გადავუხადო თბილისის მერიას გამოცხადებული ნდობისთვის,“ დასძინა კახა კიკნაველიძემ.

კომენტარები

ამავე რუბრიკაში

23 ივლისი
23 ივლისი

49 წლის მამაკაცს, მყინვარწვერზე ლაშქრობი ...

საგანგებო სიტუაციების მართვის სამსახურის მაშველებმა მყინვარწვერიდან, რუსეთის ფედერაციის დაშავებული მოქალაქე ჩამოიყვანეს. ...
23 ივლისი
23 ივლისი

ტყიბულის შახტის მაღალი თანამდებობის პირე ...

როგორც „საქნახშირის" პრესსამსახურში „ლიბერალს“ განუცხადეს, თანამდებობებიდან გათავისუფლებულნი არია ...
23 ივლისი
23 ივლისი

ვიდეო► ბეშკენაძე: GIG-მ პასუხი უნდა აგოს ...

„მეშახტეების ბრძოლა“ - ტყიბულში აქცია მიმდინარეობს. მეშახტეები ქალაქის ცენტრში სიტყვით გამოდიან და ტყიბულელებს გარეთ გამ ...
^