Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

დონალდ ტრამპმა რუსეთისთვის სანქციების გამკაცრების შესახებ კანონპროექტს ხელი მოაწერა

03 აგვისტო, 2017 10:25

მასალა მომზადებულია „ამერიკის ხმის" მიერ

ამერიკის პრეზიდენტმა დონალდ ტრამპმა ხელი მოაწერა კანონპროექტს, რომელიც რუსეთის წინააღმდეგ დამატებით სანქციებს აწესებს.

სანქციების ერთ-ერთი მთავარი მიზეზი კი მოსკოვის მიერ გასული წლის საპრეზიდენტო არჩევნებში ჩარევააა, რაც შესაძლოა, კანდიდატ ტრამპს პრეზიდენტის პოსტის დაკავებაში დაეხმარა.

თეთრი სახლი და დონალდ ტრამპი დიდი ხნის განმავლობაში ეწინააღმდეგებოდნენ კანონის იმ ნაწილს, რომელიც პრეზიდენტს ამ სანქციების შემსუბუქების უფლებას უზღუდავს. მსგავსი სურვილის შემთხვევაში, პრეზიდენტმა წინადადებითა და დასაბუთებით კონგრესს უნდა მიმართოს, ამ უკანასკნელს კი 30 დღე ექნება იმისთვის, რომ ამ საკითხზე იმსჯელოს და საბოლოო გადაწყვეტილებაც თავად მიიღოს.

თუმცა ტრამპის და თეთრი სახლის წინააღმდეგობა უშედეგო აღმოჩნდა, რადგან ამერიკელმა კანონმდებლებმა სანქციებისა და კანონის ამგვარ ფორმულირებას პრაქტიკულად ერთხმად დაუჭირეს მხარი. შესაბამისად, პრეზიდენტის მხრიდან ვეტოს გამოყენების შემთხვევაშიც კი, მისი დაძლევა რთული არ იქნებოდა.

კანონი სანქციებს რუსეთთან ერთად, ასევე უწესებს ირანსა და ჩრდილო კორეას. კანონში რამდენჯერმეა ნახსენები საქართველოც. და რუსეთის წინააღმდეგ მიმართული ღონისძიებების ერთ-ერთ მიზეზად რუსეთის მიერ მეზობელი ქვეყნების სუვერენიტეტის დარღვევა და მათ მიმართ აგრესიული ქმედებებია დასახელებული.

სანქციების შესახებ უფრო ვრცლად შეგიძლიათ წაიკითხოთ `ამერიკის ხმის" მიერ მომზადებულ სტატიაში. 

კომენტარები

ამავე რუბრიკაში

23 ოქტომბერი
23 ოქტომბერი

NDI: ცალკეული ინციდენტების მიუხედავად, მ ...

NDI-ის დამკვირვებლების შეფასებით, არჩევნების დღემ, ძირითადად, ინციდენტების გარეშე ჩაიარა. საქართველოს მოქალაქეებმა, ...
23 ოქტომბერი
23 ოქტომბერი

ვარკეთილში, ერთ-ერთ კაფეში სპეცოპერაცია ...

ვარკეთილში, კაფე „თეისთში“ სპეცოპერაცია მიმდინარეობს,- ეს ინფორმაცია „ლიბერალს“ შინაგან საქ ...
23 ოქტომბერი
23 ოქტომბერი

„ვიქნები იქ, სადაც დიდ დისკომფორტს შევუქ ...

„ერთიანი ნაციონალური მოძრაობის" პოლიტსაბჭოს თავმჯდომარემ, ჟურნალისტებთან საუბრისას არ დააკონკრეტა, სად გააგრძ ...
^