პრეზიდენტმა დონალდ ტრამპმა მხარი დაუჭირა ცვლილებათა პროექტს, რომელიც დაბალკვალიფიციური იმიგრანტების ქვეყანაში შეშვებას მნიშნელოვნად შეამცირებს.
VOA-ს ინფორმაციით, ცვლილებათა პროექტი მუდმივი რეზიდენტობისა და მწვანე ბარათის მქონეთა რაოდენობას წელიწადში ნახევარ მილიონამდე ამცირებს. აქამდე ეს მაჩვენებელი წელიწადში 1 მლნ იყო.
ახალ სისტემაში ყურადღება მიექცევა აპლიკანტის მიერ ინგლისური ენის ცოდნასა და შრომისუნარიანობას.
„ყველაზე მნიშვნელოვანი საიმიგრაციო რეფორმა ნახევარი საუკუნის მანძილზე" - ამ სიტყვებით შეაფასა ტრამპმა ცვლილებები და განაცხადა, რომ ეს არის კიდევ ერთი ნაბიჯი საარჩევნო კამპანიის დროს მიცემული დაპირების შესასრულებლად.
„კამპანიის დროს მე პირობა დავდე, რომ დამსახურებაზე დაფუძნებულ საიმიგრაციო სისტემას შევქმნილი ამერიკელი მუშებისა და გადასახადების გადამხდელთა დასაცავად. სწორედ ამიტომაც ვართ აქ დღეს" - თქვა ტრამპმა.
მისი თქმით, კანონმდებლობა გაზრდის აშშ-ის კონკურენტუნარიანობას 21-ე საუკუნეში და აშშ-სა და მის მოქალაქეებს შორის კავშირს აღადგენს.
„ეს კანონმდებლობა არის დემონსტრირება გაჭირვებაში მყოფი იმ ამერიკელი ოჯახების მხარდაჭერისა, რომლებიც იმსახურებენ საიმიგრაციო სისტემას, რომელიც მათ ინტერესებს დააყენებს წინ, წინ დააყენებს ამერიკას"- თქვა ტრამპმა.
