შსს-მ სამეგრელოში, ნარკოდანაშაულის ბრალდებით, კიდევ ერთი პირი დააკავა. 1970 წელს დაბადებული ნ.ყ. ნარკოდანაშაულის ბრალდებით აბაშის რაიონის სოფელ მარანში დააკავეს.
„სამართალდამცველებმა, დაკავებულის პირადი ჩხრეკისას, 90 აბი „სუბოქსინი“ ამოიღეს. ბრალდებული დანაშაულს აღიარებს“, - აცხადებს შსს
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის მე-6 ნაწილის „ა“ ქვეპუნქტით).
