Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

საგარეო საქმეთა სამინისტრო: ვლადიმერ პუტინის ოკუპირებულ აფხაზეთში ვიზიტი ცინიკური ქმედებაა

08 აგვისტო, 2017 18:44

დღეს სააგენტო „სპუტნიკმა" რუსეთის პრეზიდენტის, ვლადიმერ პუტინის ოკუპირებულ აფხაზეთში ჩასვლის შესახებ ინფორმაცია გაავრცელა. აღნიშნულს საქართველოს საგარეო საქმეთა სამინისტრო განცხადებით გამოეხმაურა. უწყების განცხადებით, აგვისტოს ომის მე-9 წლისთავზე მსგავსი ცინიკური ქმედება ემსახურება სამხედრო აგრესიის, ეთნიკური წმენდისა და ოკუპაციის გზით სუვერენული სახელმწიფოს საზღვრების ძალადობრივი ცვლილების დაკანონებას რუსეთის მხრიდან. ამ ნაბიჯით კრემლი ასევე უშედეგოდ ცდილობს თავისი საოკუპაციო რეჟიმების მხარდაჭერასა და ლეგიტიმაციას. საგარეო საქმეთა სამინისტრო მიიჩნევს, რომ რუსეთის პრეზიდენტის, ვლადიმერ პუტინის, ოკუპირებული აფხაზეთის რეგიონში „ვიზიტი” არის საქართველოს წინააღმდეგ მოსკოვის გამიზნული პოლიტიკის გაგრძელება. 
„საგარეო საქმეთა სამინისტრო გმობს საქართველოს სახელმწიფო საზღვრის დარღვევით რუსეთის პრეზიდენტის „ვიზიტს“ ოკუპირებული აფხაზეთის რეგიონში, რომელიც უხეშად არღვევს საერთაშორისო სამართლის ფუნდამენტურ ნორმებსა და პრინციპებს.
საგარეო საქმეთა სამინისტრო მოუწოდებს რუსეთის ფედერაციას, შეწყვიტოს პროვოკაციული ქმედებები საქართველოს სახელმწიფოებრიობის წინააღმდეგ და პატივი სცეს სუვერენული სახელმწიფოს ტერიტორიულ მთლიანობას.
საგარეო საქმეთა სამინისტრო მიმართავს ასევე საერთაშორისო თანამეგობრობას, სათანადო შეფასება მისცეს მოსკოვის აგრესიულ ნაბიჯებს და ქმედითი ზომები მიიღოს, რათა რუსეთის ფედერაციამ შეასრულოს ნაკისრი საერთაშორისო ვალდებულებები, მათ შორის, 2008 წლის 12 აგვისტოს ცეცხლის შეწყვეტის შესახებ შეთანხმება“, - წერია საგარეო საქმეთა სამინისტროს განცხადებაში 

კომენტარები

ამავე რუბრიკაში

18 იანვარი
18 იანვარი

პრესსამსახური: გიორგი რამიშვილს „ბასიანშ ...

„გიორგი რამიშვილს 13 იანვარს მომხდარ ინციდენტთან არანაირი შემხებლობა არ აქვს, ისევე როგორც არ აქვს არანაირი ნათესა ...
18 იანვარი
18 იანვარი

ირაკლი კობახიძე უკრაინის პრემიერ-მინისტრ ...

უკრაინაში ოფიციალური ვიზიტის ფარგლებში საქართველოს პარლამენტის თავმჯდომარე, ირაკლი კობახიძე, უკრაინის პრემიერ-მინის ...
18 იანვარი
18 იანვარი

Human Rights Watch: 2017 წელს ქვეყანა ნა ...

„საქართველო განაგრძობდა ნარკომომხმარებლების მიმართ დასჯაზე ორიენტირებული ნარკოპოლიტიკის გატარებას", - აღნიშნუ ...
^