ტელეკომპანია „რუსთავი 2-ის“ ეთერში შინაგან საქმეთა მინისტრის მოადგილე, მერაბ მალანიამ, ჟურნალისტს კითხვაზე, არის თუ არა საჭირო მთაწმინდაზე ხანძრის ჩასაქრობად ვერტმფრენის გამოყენება, უპასუხა, რომ ხანძარი უკვე ლოკალიზებულია, ამიტომ ვერტმფრენის ჩართვა არ არის საჭირო.
„ვერტმფრენის ჩართვა არ არის საჭირო, ვინაიდან ჩვენ უკვე ლოკალიზებულია და არის პატარ-პატარა კერები რომელსაც ებრძვიან მეხანძრე-მაშველები, 70 მეხანძრე-მაშველი მონაწილეობს ამ ოპერაციაში, მინდა ხაზი გავუსვა მათ ეფექტურ და სწრაფ რეაგირებას, ამ ეტაპზე საფრთხე არავის ემუქრება, ხანძარი ლოკალიზებულია“, - განაცხადა მინისტრის მოადგილემ
მისი თქმით, მოსახლეობას საფრთხე არ ემუქრება.
მალანიას განცხადებით, შსს-მ გამოძიება დაიწყო 188-ე მუხლის მეორე ნაწილით, რაც სხვისი ნივთის გაუფრთხილებლობით დაზიანებას ან განადგურებას გულისხმობს.
ფოტო: გვანცა ცოციაშვილი