პოლიტიკური პლატფორმა „ახალი საქართველოს“ წევრების თქმით. ისინი საკონსტიტუციო სასამართლოს ქალისა და კაცის საპენსიო ასაკის გასათანაბრებლად მიმართავენ. მათი ინიციატივის მიხედვით, საქართველოში საპენსიო ასაკი ქალებისთვისაც და კაცებისთვისაც 60 წელი უნდა იყოს.
„სქესის ნიშნით დისკრიმინაციაა, როცა კაცები პენსიას 65 წლის ასაკიდან იღებენ, ქალები კი - 60 წლის ასაკიდან.
საქართველოს კონსტიტუციის მიხედვით, ყველა ადამიანი თანასწორია და საქართველოს კანონში სახელმწიფო პენსიის შესახებ მეორე თავის მეხუთე მუხლის პირველი პუნქტი არის ანტიკონსტიტუციური.
„ახალი საქართველოს“ ქალთა ორგანიზაციის ინიციატივით, 30 000 ხელმოწერა შეგროვდება, საქართველოს პარლამენტში საკანონმდებლო ინიციატივის დასარეგისტრირებლად.
იურისტი მარიკა არევაძე კი დაგვეხმარება საკონსტიტუციო სარჩელის მომზადებაში, რომელსაც უახლოეს დღეებში შევიტანთ საკონსტიტუციო სასამართლოში." - ნათქვამია ორგანიზაციის განცხადებაში.
