განათლებისა და მეცნიერების მინისტრმა, ალექსანდრე ჯეჯელავამ ტელეკომპანია „იმედის“ ეთერში განათლების სისტემაში დაგეგმილ ცვლილებებზე ისაუბრა, მათ შორის - „ვაშლის დარიგების“ კამპანიაზეც. მისი თქმით, საპილოტე სეზონზე კამპანიის ხარჯი დაახლოებით 300-დან 400 ათას ლარამდე იქნება.
„მე ვფიქრობ, რომ არც ერთი დანახარჯი არ არის ზედმეტი, როდესაც საქმე ჩვენი შვილებისა და მომავალი თაობის ჯანმრთელობას ეხება“, - განაცხადა ჯეჯელავამ
მისი თქმით, სახელმწიფო ვაშლს იმავე წესით შეისყიდის, როგორც ყველაფერ დანარჩენს.
როგორც განათლებისა და მეცნიერების მინისტრმა ალექსანდრე ჯეჯელავამ დღეს გამართულ პრესკონფერენციაზე განაცხადა, ვაშლის დარიგების კამპანია შემოდგომიდან, თბილისის იმ სკოლებში დაიწყება, სადაც 1000-ზე მეტი მოსწავლეა. ვაშლი კვირაში ერთხელ დარიგდება
პრესკონფერენციაზე ალექსანდრე ჯეჯელავამ განაცხადა, რომ სკოლის ბუფეტებში განსაკუთრებით არაჯანსაღი პროდუქტის გაყიდვა აიკრძალება - შაქრისა და მარილის მაღალი შემცველობის მქონე პროდუქტები, ასევე, შაქრიანი, გაზიანი სასმელები.