მსოფლიოში და უკვე საქართველოში ცნობილი აპლიკაცია Sarahah-ის შესახებ პერსონალურ მონაცემთა დაცვის ინსპექტორის აპარატი მოუწოდებს მომხმარებელს, ყურადღებით გაეცნონ აპლიკაციის წესებსა და პირობებს, გააანალიზონ, რა მასშტაბის წვდომას მოითხოვენ მონაცემებზე მომსახურების სანაცვლოდ, შეაფასონ აპლიკაციის/ვებგვერდის სანდოობა და გააკეთონ ინფორმირებული არჩევანი.
„ჩვენ არასოდეს გავყიდით, გავცვლით ან გავამჟღავნებთ ნებისმიერ ინფორმაციას მესამე მხარეებთან ამ ვებსაიტისა და ჩვენს ქსელში ჩართული საიტების გარეთ. ინფორმაციას გავამჟღავნებთ მხოლოდ იურიდიული პირის ან ორგანიზაციის ბრძანების შემთხვევაში“, - ნათქვამია აპლიკაციის კონფიდენციალურობის პოლიტიკაში. თუმცა არ არის დაკონკრეტებული, ვინ იგულისხმება იურიდიულ პირებსა და ორგანიზაციებში, ან რა სახის ბრძანებაზე შეიძლება იყოს საუბარი. აღსანიშნავია, რომ დოკუმენტში გამოყენებული ტერმინოლოგია ზოგ შემთხვევაში საკმაოდ ბუნდოვანია და ინტერპრეტაციის საშუალებას იძლევა.“, - ვკითხულობთ პერსონალურ მონაცემთა დაცვის ინსპექტორის აპარატის რეკომენდაციაში.
აპლიკაცია Sarahah-ის საშუალებით ინტერნეტმომხმარებლებს შეუძლიათ ერთმანეთს ანონიმური შეტყობინებები მისწერონ.
