აზერბაიჯანის პრეზიდენტის ილჰამ ალიევის ბრძანებით, აზერბაიჯანის საგანგებო სიტუაციების სამინისტრომ ვერტმფრენი გამოგზავნა საქართველოში, ბორჯომ-ხარაგაულის ეროვნულ პარკში გაჩენილი ხანძრის აღმოფხვრელად. ამის შესახებ ინფორმაციას აზერბაიჯანული სააგენტო APA ავრცელებს.
ბორჯომში, წაღვერის ტყეში ხანძარი 20 აგვისტოს, შუადღისას გაჩნდა. საქართველოს შინაგან საქმეთა სამინისტროს საგანგებო სიტუაციების მართვის სააგენტოს ცნობით, წაღვერის ტყეში ხანძარი ლოკალიზებულია. ადგილზე 200-მდე მეხანძრე-მაშველი შესაბამის ტექნიკასთან ერთად მუშაობს. ადგილზე იმყოფებიან მოხალისე ჯგუფებიც. ხანძრის შედეგად დამწვარია დაახლოებით 5 ჰექტარი.
