მამუკა ხაზარაძის განცხადებით, „თიბისი ჯგუფი“ და კომპანია „ბორჯომი“ ბორჯომის დამწვარი ტყის 10 ჰექტარს სრულად აღადგენენ. მათ ცოტა ხნის წინ ბიზნესმენი თემურ ჭყონია და „კოკა კოლა ბოთლერს ჯორჯიაც“ შეუერთდა.
„თიბისი ჯგუფისა“ და კომპანია „ბორჯომის“ საერთო გადაწყვეტილებით, ამ მძიმე მომენტში ჩვენ გავაერთიანებთ ძალისხმევას და სრულად აღვადგენთ ხანძრისგან გადამწვარ ბორჯომის ტყის 10 ჰექტრამდე ტერიტორიას. გვესმის, რომ ეს იქნება გრძელი და მასშტაბური სამუშაო. მაგრამ ჩვენ არ დავზოგავთ ენერგიასა და რესურსს, რომ ბორჯომს დაუბრუნდეს პირველადი სახე. მოვუწოდებთ ბიზნეს და საჯარო სექტორს, შემოგვიერთდნენ, რათა ერთად განვახორციელოთ ეს მნიშვნელოვანი საქმე“,- განაცხადა მამუკა ხაზარაძემ.