გუშინ რკინიგზის შენობასთან გამართულ აქციაზე დაკავებული ათივე პირი თავისუფალია. დაცვის მხარემ საქმის მასალებისა და მტკიცებულებების გაცნობისთვის დრო ითხოვა და სასამართლო პროცესი გადაიდო. 

მათი სასამართლო პროცესი 8 სექტემბერს ჩაინიშნა.

ადვოკატი: აქციაზე დაკავებული 5 პირი მოვინახულეთ და მათ დაზიანებები აღენიშნებათ

საქართველოს რკინიგზის შენობასთან მოშიმშილე რკინიგზელების სოლდარობის აქციაზე აქტივისტებსა და პოლიციას შორის შეხლა-შემოხლა მოხდა. ამის შემდეგ პოლიციამ აქციის რამდენიმე მონაწილე დააკავა. როდესაც ისინი პოლიციის მანქანებში გადაჰყავდათ, აქციის მონაწილეებსა და პოლიციას შორის დაპირისპირება ისევ მოხდა, რის შემდეგ აქციის სხვა წევრებიც დააკავეს.

საქართველოს რკინიგზის შენობასთან პოლიციასა და აქციის მონაწილეებს შორის შეხლა-შემოხლაა

15 აგვისტოს საქართველოს რკინიგზის თანამშრომლებმა შიმშილობის აქცია დაიწყეს. მათი თქმით, სამუშაო ადგილი და პირობები ადმინისტრაციამ შეთანხმების გარეშე შეუცვალათ. 

ამჟამად შიმშილობს 8 ადამიანი, მათ შორის არიან რკინიგზელთა ახალი პროფკავშირის წარმომადგენლები. მათი მოთხოვნებია: დაუყოვნებლივ დაბრუნდნენ გათავისუფლებული თანამშრომლები სამსახურში; რკინიგზა დატოვონ საქართველოს რკინიგზის საზოგადოებასთან ურთიერთობის სამსახურის უფროსმა დაჩი ცაგურიამ და ინფრასტრუქტურის სამსახურის უფროსმა ვასილ ხორავამ; შესრულდეს წინა გაფიცვების შედეგად მიღწეული შეთანხმებები.