შსს-ს ინფორმაციით აბასთუმნის მიმდებარედ ტყეში გაჩენილი ხანძარი ლოკალიზებულია. შს მინისტრმა გიორგი მღებრიშვილმა ტელეკომპანია „იმედის“ ეთერში განაცხადა, რომ დაკვამლიანებაც არსად აღარ შეინიშნება.
„უკვე შეგვიძლია თამამად ვთქვათ, რომ ხანძარი ლოკალიზებულია და მიმდინარეობს ლიკვიდაცია. ყველა კერა ჩამქრალია“ - განაცხადა გიორგი მღებრიშვილმა.
მისი თქმით, ავიაციამ მუშაობა შეაჩერა, რადგან ამის საჭიროება აღარ არსებობს, თუმცა ჯერ-ჯერობით ადგილზე რჩება.