„ამ ადამიანებს ან გაგების უნარი აქვთ დაკარგული ან კარგად ესმით, მაგრამ შეგნებულად მიდიან პროვოკაციებზე“,- ამის შესახებ განსახლებისა და ლტოლვილთა მინისტრმა, სოზარ სუბარმა ჟრნალისტებს გუშინ „ქართული მარშის“ აქციის მონაწილეების მოთხოვნებზე ისაუბრა.
„ან ამ ადამიანებს არ შეუძლიათ გაგება იმ ელემენტარული კანონის ფორმულირების, რომელზეც არის საუბარი, გაგების უნარი აქვთ დაკარგული ან ესმით, მაგრამ შეგნებულად მიდიან პროვოკაციებზე. შესაბამისად, ისინი ვის საქმეს აკეთებენ - რომელი პარტიის ან საქართველოს რომელი მეგობრის - თვითონ ჩაეკითხონ თავის თავს“, - განაცხადა სოზარ სუბარმა.
გუშინ „ქართველთა მარშის" წარმომადგენლებმა ფონდ „ღია საზოგადოება საქართველოს" ოფისთან ჯორჯ სოროსის წინააღმდეგ აქცია გამართეს, შემდეგ კი კახა კალაძის საარჩევნო შტაბთან მსვლელობით გადაინაცვლეს.
მათი თქმით, „ქართულმა ოცნებამ" მიწის შესხაებ კანონპროექტი პარლამენტიდან უნდა გამოითხოვოს.
დემონსტრანტები აცხადებდნენ, რომ მათი მოთხოვნების დაუკმაყოფილებლობის შემთხვევაში, პროტესტის უკიდურეს ზომას, შიმშილს მიმართავენ.
