დღეს საქართველოს პროფკავშირების გაერთიანების ახალ თავმჯდომარეს აირჩევენ. არჩევანი კანდიდატებს შორის 213-მა დელეგატმა უნდა გააკეთოს.
პროფკავშირების გაერთიანების მოქმედი თავმჯდომარე ირაკლი პეტრიაშვილი ამბობს, რომ
ეს არის ტესტი პრიფკავშირებისთვის და დღეს გამოჩნდება, რა არის ღირებული.
„როგორ დასრულდება არჩევნები, ამას საზოგადოება ნახავს. ფაქტი ის არის, რომ დელეგატები არიან შემართულები და ის ყველაფერი, რაც ითქვა, პროფკავშირებთან, ჩემთან დაკავშირებით მიიღეს პირად შეურაცხყოფად. ისინი არიან მზად იმისთვის, რომ დაიცვან ორგანიზაციის თავისუფლება. ეს გახლავთ ტესტი პროფკავშირებისთვისაც - რამდენად წინ არის, რამდენად მაღლა დგას და ახლოს ცივილიზებულ სამყაროსთან. მე დარწმუნბული ვარ, რომ ამ ყველაფერს დაესმება წერტილი, გაეცემა პასუხი, ამ ყველაფერს, სიბინძურეს ისინი გასცემენ პასუხს - რა არის ღირებული და რა არის მარაზმი", - ამბობს პეტრიაშილი.
გაერთიანებული პროფკავშირების თავმჯდომარეობისთვის კენჭს, მეოთხე ვადით, დღეს მოქმედი თავმჯდომარე ირაკლი პეტრიაშვილი, ხელოვნების მუშაკთა პროფკავშირის თავმჯდომარე დავით ოქიტაშვილი და ენერგეტიკის მუშაკთა პროფკავშირის თავმჯდომარე ამირან ზენაიშვილი იყრიან. თუმცა წესდებით შესაძლებელია, რომ თავმჯდომარეობაზე განაცხადი ყრილობაზევე დააყენოს სხვა დელეგატმაც.
