საქართველოს საგარეო საქმეთა სამინისტროს ინფორმაციით, ლიბიაში დაკავებული გემის ეკიპაჟის ქართველ წევრებთან დაკავშირებით შეტყობინება სამინისტროში გუშინ შევიდა. უწყებაში ამბობენ, რომ მოკვლევა უკვე დაიწყო. 

“საგარეო საქმეთა სამინისტრო თავისი არხებით ცდილობს დეტალების გარკვევას“, - ამბობენ საგარეო საქმეთა სამინისტროს პრესსამსახურში. 

ლიბიაში დაკავებულ გემზე, ეკიპაჟის 11 წევრიდან სამი ქართველია - ამის შესახებ ინფორმაცია ტელეკომპანია „პირველ არხს“ საზღვაო ტრანსპორტის სააგენტომ დაუდასტურა. მათივე ინფორმაციით, ლიბიაში 29-30 აგვისტოს ცხელ კვალზე დააკავეს პატარა ზომის ტანკერი, რომელსაც ნავთობი გადაჰქონდა.

საგარეო საქმეთა სამინისტროში "ლიბერალს" უთხრეს, რომ სხავადასხვა უწყებებთან ერთად საკითხის გასაკვევად კოორდინირებულად მუშაობენ.