სააგენტო „ინტერფაქსის“ რედაქტორი, 33 წლის იური ნიკიფოროვი გარდაიცვალა. გავრცელებული ინფორმაციით, ცხედარი მისმა მეუღლემ მათი სახლის ეზოში იპოვა.
ვრცელდება ვერსიები იმის შესახებ, რომ ნიკიფოროვმა თავი მოიკლა. თუმცა ეს ვერსია ოფიციალურად არ დადასტურებულა.
„ინტერფაქსის“ გენერალური დირექტორის მოადგილე ალექსეი გორშკოვი კოლეგის გარდაცვალების ფაქტს უცნაურს უწოდებს და აცხადებს, რომ თანამშრომლებსა და ოჯახის წევრებს ნიკიფოროვისთვის ისეთი არაფერი შეუმჩნევიათ, რომ სუიციდის ვერსია დაიჯერონ.
