სატყეო სააგენტოს ინფორმაციით, 2017 წლის იანვრიდან აგვისტოს ჩათვლით რეგიონული სატყეო სამსახურებისა და შიდა კონტროლის სამსახურის თანამშრომლებმა 2 474 სამართალდარღვევის ფაქტი გამოავლინეს.
მათგან 1 797 ადმინისტრაციული სამართალდარღვევის ფაქტია, ხოლო სისხლის სამართლის - 677. სააგენტოს ინფორმაციით, აღნიშნული საქმეები სამართალდამცავ ორგნოებში შემდგომი რეაგირებისთვის გადაიგზავნა.
„უკანონოდ მოპოვებული რესურსის მოცულობამ შეადგინა 18, 619, 49 მ3; უკანონოდ მოპოვებული რესურსის რაოდენობამ ძირობრივად შეადგინა - 35,741 ძირი; გარემოზე მიყენებულმა ზიანის ოდენობამ შეადგინა 2 615 475 ლარი, მათ შორის - ადმინისტრაციულ სამარალდარღვევის საქმეებზე - 261 950 ლარი, სისხლის სამართლის საქმეებზე - 2 353 525 ლარი", - ნათქვამია „ლიბერალისთვის" გაგზავნილ ინფორმაციაში.
გარემოსდაცვითი ზედამხედველობის დეპარტამენტის თანამშრომლებმა კი 2017 წლის 01 იანვრიდან 14 სექტემბრამდე გამოავლინეს:
- უკანონო ტყითსარგებლობის 1 103 ფაქტი;
- ხე-ტყის ტრანსპორტირების წესების დარღვევის 844 ფაქტი;
- სულ, უკანონოდ მოპოვებული ხე-ტყის ოდენობამ შეადგინა 9780,97მ3.